Për të qenë sa më afër qytetarëve dhe për të ofruar informacion të nevojshëm në përputhshmëri me strukturën e funksionimit të brendshëm dhe të transparencës, komuna e Tetovës të premten ka promovuar ueb faqen e re. Për herë të parë, kryetari i komunës nuk është më i paprekshëm për qytetarët. Nëpërmjet rubrikës “Shkruaj kryetarit” qytetarët kanë mundësi që drejtpërdrejt të komunikojnë me kryetarin e komunës së Tetovës, Sadi Bexhetit për të gjitha problemet, sugjerimet dhe ankesat e tyre. “Krijimi i kushteve për një zhvillim të qëndrueshëm lokal mbi principet e administrimit europian në radhë të pare nënkupton një hapje ndaj qytetarëve”, tha zëdhënësi Flakran Pustina.