Qytetarët, afaristët dhe biznesmenët nga Tetova i janë përgjigjur ftesës së komunës së Tetovës për t’u ndihmuar qytetarëve të Shkodrës që pësuan nga përmbytjet. Të mërkurën është nisur kontingjenti i parë me ndihma i cili përfshinë më shumë se 30 produkte ushqimore, higjienike dhe produkte të tjera. Vlera totale e ndihmave ofruar qytetit të Shkodrës është mbi 20 mijë euro.

Pritet që grumbullimi i ndihmave të vazhdojë, ndërsa gjatë javës së ardhshme pritet që të niset edhe një kontingjent tjetër me ndihma për qytetarët që kanë pësuar nga përmbytjet në qytetin e Shkodrës.