Nedim Kasami, nënkryetar i Shoqatës së Fermerëve të Maqedonisë tha se me shoqatën AF-DI nga Franca kemi pasur bashkëpunim të vazhdueshëm në fushën e agronomisë sidomos në fushën e blegtorisë. Federata e Fermerëve ka qëndruar për vizitë në Francë tre muaj më parë, me qëllim të bartjes së eksperiencave franceze në fushën e agronomisë në Maqedoni.

Sekretarja e komunës së Tetovës, Drita Memeti, u shpreh e kënaqur nga kjo vizitë, duke theksuar se ky bashkëpunim është e mirëseardhur për komunën e Tetovës dhe për qytetarët, sepse në këtë mënyrë ata informohen me punën e organizatave franceze në sfera të ndryshme. Sekretarja Memeti i ka informuar të pranishmit me punën që ka bërë komuna e Tetovës për zhvillim në sfera të ndryshme. “Sa i takon degës së agronomisë mendojmë se në komunën e Tetovës ka tokë të mirë pjellore për zhvillimin e bujqësisë”, tha Memeti. Sekretarja e komunës së Tetovës ka sqaruar para delegacionit francez mënyrën e funksionimit të administratës komunale të Tetovës.