Të mërkurën kryetari i komunës së Tetovës, Prof. Dr. Sadi Bexheti ka pritur në një takim përfaqësues të dy universiteteve dhe të shkollave të mesme në Tetovë. Në këtë takim që kishte për qëllim mundësitë e bashkëpunimit për ndërlidhjen e arsimit me ekonominë të pranishëm ishin edhe këshilltari Alberto Pogorelz dhe ekspertja Claudia Cocolin e cila njihet për angazhimin e saj në shumë projekte të financuara nga BE-ja.

Këshilltari Alberto Pogorelz ka prezantuar para të pranishmëve qëllimin e takimit që nënkupton gjetjen e një pike të përbashkët për të ndërlidhur institucionet e jashtme me komunën e Tetovës dhe për të hartuar projekte me prioritet për komunën e Tetovës.