Gjithashtu, në këtë takim janë shqyrtuar mundësitë e bashkëpunimit të komunës së Tetovës me komuna të Republikës Popullore të Kinës dhe ofrimin e kushteve të volitshme për investitorët nga Kina. Kryetari Bexheti, ka prezantuar një informacion të gjerë mbi gjendjen aktuale dhe mundësitë e investimeve në komunën e Tetovës, si dhe ka shfaqur gatishmërinë për përkrahje dhe ka dhënë garanca për bashkëpunim të frytshëm në të ardhmen.

Këshilltari për çështjet ekonomike dhe tregti në Ambasadën e Republikës Popullore të Kinës në Shkup, Sun Liwei, ka shfaqur gatishmëri për bashkëpunim dhe vizitën e ka vlerësuar si tejet të frytshme dhe të dobishme.

Ndryshe, në mënyrë vizuale në një takim të përbashkët me stafin drejtues të komunës së Tetovës, përpara zyrtarëve kinez është prezantuar funksionimi i Ndërmarrjeve Publike, gjendja aktuale në shkollat fillore dhe të mesme si dhe kapacitetet turistike të qytetit.