Ambasada e SH.B.A-ve në Maqedoni dhe Zyra për Marrëdhënie Publike në këtë ambasadë do të sigurojë kompjuterë dhe pajisje teknologjike për të ndihmuar anëtarët e këndit në hulumtime.

Sipas memorandumit, komuna e Tetovës do të vazhdojë të mbështesë financiarisht stafin e Këndit Amerikan dhe do të garantojë falas hapësirën me sipërfaqe prej 70 metër katror në katin përdhesë të pallatit të kulturës ku do të ushtrohen aktivitetet e Këndit Amerikan, ndërsa Shtëpia e Kulturës do të paguajnë faturat mujore për pastrimin, mirëmbajtjen dhe shërbimet për hapësirën ku është vendosur Këndi Amerikan në Tetovë.

Në ceremoninë e nënshkrimit të memorandumit të bashkëpunimit mori pjesë zëvendës ambasadori i SHBA-ve në Shkup Brayan Aggel, ndërkaq nënshkrimi i këtij memorandumi që parasheh vazhdimin e funksionimit të Këndit Amerikan në Tetovë është tregues i bashkëpunimit të suksesshëm intensiv të komunës së Tetovës me Ambasadën e SHBA-ve në Shkup.