Në ndeshjen finale të kampionatit të Maqedonisë për pionier nga të gjitha rajonet, “Dardanët” kanë mundur ekipin “Slloga-Filipi II” të Vinicës.

Kryetari Bexheti ka përgëzuar futbollistët e rinj për suksesin e treguar. “Ndihma jonë është shumë e vogël në krahasim me suksesin e madh që ju keni treguar”, tha ai. Sipas tij, dyert e komunës do të jenë të hapura për sportistët e rinj në mbështetjen e transfereve të tyre të mundshme në ndonjë ekip jashtë Maqedonisë, por edhe në arsimimin e tyre.

“Ky rezultat është një krenari e madhe për ne. Tetova ka sportist të mirë që mund të arrijnë rezultate. Ndihma e vogël e komunës ishte e madhe si përkrahje, sepse me pak mjete mund të arrihen rezultate të madha”, tha Tahir Abdullai, përfaqësuesi i sponsorit kryesor “Foto Canon”.