Sipas Yves Fouques, në këtë qendër turistike do të punësohen 2-3 persona, të cilët jo vetëm do të prisnin turistët në Tetovë, por edhe do t’iu jepnin atyre gjithë udhëzimet dhe ndihmën e nevojshme për të vizituar viset malore turistike. Ai ka bërë të ditur se do të bëjë trajnimin e këtyre personave për këtë veprimtari turistike dhe ka paralajmëruar se gjithçka lidhur me këtë projekt do të precizohet ditëve të ardhshme.

Kryetari i komunës së Tetovës, Sadi Bexheti ka shfaqur gatishmëri të plotë për realizimin e kësaj ideje dhe implementim sa më të shpejt të saj. Kryetari Bexheti ka bërë të ditur se kjo ide mund të zgjerohet edhe me punësimin e 2 personave nga çdo fshat i malësisë nga ana e komunës, të cilët do të kujdeseshin për mirëmbajtjen e fshatit të tyre. E gjithë kjo është në funksion të rigjallërimit të ekonomisë në këto fshatra malor.

Edhe ky projekt është në kuadër të bashkëpunimit decentralizues mes komunës së Tetovës dhe Departamentit të Hautes Alpes. Partnerë të projektit janë, komuna e Tetovës, Departamenti i Hautes Alpes, Qendra regjionale për trajnim profesional nga Briançon, Aleanca Franceze në Tetovë, Klubi i alpinistëve “Luboten” dhe shoqata “Eko-Natyra”.