Gjatë përurimit, kryetari Bexheti tha se kjo rrugë do të mundësojë që të lehtësohet në masë të madhe komunikacioni në këtë pjesë të qytetit. Ai paralajmëroi edhe rregullime të tjera të rrugëve në qytet si dhe rregullimin e kanalizimit, lidhjen e kanalizimit të disa pjesëve të qytetit me kanalizimin qendror.

Ndërtimi i rrugës “175” është i paraparë me programin e Ndërmarrjes Publike “ Geoinxhiniering” për vitin 2009, ndërsa realizuese e punës është ndërmarrja NB Company.

Drejtori i ndërmarrjes publike “Geoinxhiniering” Musadik Beqiri tha se investimi i përgjithshëm për këtë rrugë kap shifrën 7 milionë denarë, ndërkohë që ka falënderuar banorët për bashkëpunimin e treguar në fazën e ekspropocionit.