Ultësira e Pollogut shtrihet në drejtimin juglindje - veriperëndim, në gjatësi prej 55 km. dhe gjerësi prej 8-10 km.

E rrethuar me Malin Sharr, Malin e Thatë dhe Malin Zheden. Në mesin e fushës së Pollogut, rrëzë malit të Sharrit, në rrjedhën e lumit Pena (Artat) shtrihet komuna e Tetovës me rreth 86.560 banorë.

Rajoni i Tetovës shtrihet në sipërfaqe prej 1.080 km 3 në pjesën e poshtme të fushës së Pollogut në lartësi mbidetare prej 460-500m.

Pozita gjeostrategjike e Tetovës karakterizohet edhe nga ajo se, gjendet në udhëkryqin e korridoreve ndërkombëtare qarkulluese, siç janë:
- korridori 8 (kalon nëpër Tetovë) dhe
- korridori 10 (40 km. larg nga Tetova).

Tetova ka një klimë gjysmë kontinentale, me verë të ngrohtë dhe relativisht të lagësht, dimër të ftohtë dhe me dëborë, pranvera e vjeshta kanë reshje të shpeshta.

Pasi që nga të gjitha anët është e rrethuar me male dhe për shkak të shfaqjes së rrymave ajrore të ngrohta e të ftohta, në fushën e Pollogut vjen deri te shfaqja e procesit të inversionit.

Kushtet natyrore, siç janë: klima, relievi, përbërja gjeologjike e tokës, kanë mundësuar që në rrethinat e Tetovës të shfaqen shumë burime të ujit të rrjedhshëm, prandaj Tetova është njëri nga qytetet e rralla në Maqedoni që ka ujë të pijshëm, ujë për nevojat e industrisë dhe për ujitje.

Shkrimet e para për ekzistimin e Tetovës si vendbanim, datojnë nga periudha antike, me emrin antik EUNEUM.

Sipas disa të dhënave me të cilat disponojmë, Fusha e Pollogut dikur ka qenë liqen. Këto të dhëna, mbështeten në gjurmët e zbuluara në Balltepe (Kodra e Mjaltit), ku gjendet rrafshnalta me shkëmbinj të liqenit me lartësi mbidetare prej 770 m. Sipas të dhënave turke të dokumentuara, Tetova në shek. XIV është trajtuar si fshat në Fushën e Pollogut. Në shek. e XV Tetova përmendet si qendër në vendin e Vakëfit të Mehmet Beut në vitin 1436, ku thuhet se, në Tetovë ka pasur shumë dyqane dhe punëtori, si dhe janë ndërtuar lagje të reja. Sipas Mehmed Beqir Çelebiut (1470), Tetova fillon t’i ngjaj qytetit. Me ardhjen e turqve në këtë rajon, Tetova gjithnjë e më tepër zhvillohet.

Në ndërkohë, gjatë kësaj periudhe realizohen ndërtimet e objekteve kulturore-historike, siç janë:
- Xhamia e Pashës (e Larme),
- Arabati Baba-Teqe,
- Tempulli (faltorja) ortodokse "Shën Kirili e Metodi",
- Hamami i vjetër,
- Kalaja e Tetovës,
- xhamia dhe kisha të tjera,
- Ura e gurit në lumin Pena (Shkumbin-Artat), etj.

Gjatë asaj kohe, gjithashtu filloi edhe ndryshimi i arkitekturës së shtëpive, të cilat gradualisht filluan të marrin pamje orientale. Në vitin 1689 Tetova emërtohet si qytet. Në Tetovë ka shumë kisha, të cilat varësisht nga periudha kohore që i takojnë, kanë edhe vlerat e tyre të veçanta historike.

Nga periudhat e kaluara kohore, vlen të përmendet biblioteka e Teqesë-Arabati (shek XVIII-XIX), sepse në të është zhvilluar kultura dhe arsimimi përkrah besimit islam. Në këtë bibliotekë, janë kopjuar veprat e intelektualëve me kaligrafi të zgjedhur të asaj kohe, që më vonë janë zbukuruar me ornamente të mbështjella me lëkurë.

Një zhvillim i hovshëm i Tetovës ndodh në pjesën e dytë të shek. XIX, deri te Luftërat Ballkanike, kur Tetova bëhet qendër tregtare dhe zejtare.

Pas Luftërave Ballkanike, i tërë Ballkani ndodhej në krizë, ashtu që edhe zhvillimi i Tetovës si qytet shënon stagnim. Sidomos, pas Luftës së Dytë Botërore, vjen deri te zhvillimi i shtuar i gjithë rajonit, pra, edhe i Tetovës si qytet.

Në Tetovë jetojnë afër 200.000 banorë, nga të cilët rreth 83% shqiptarë, 12% maqedonas dhe 5% të tjerë të vendosur në 92 vendbanime, që do të thotë se dendësia e vendbanimeve është shumë e madhe dhe zë 11.50 km2 për një vendbanim.

Pozita e mirë gjeostrategjike, të ndodhurit në udhëkryq si dhe pologu me tokë pjellore, Tetova ua tërhiqte vëmendjen pushtuesëve të ndryshëm. Në shekullin e XV këtë qytet e pushtojnë turqit. Me ardhjen e turqëve u zhvillua kultura. Vatër e saj bëhet kompleksi i Teqes Bekteshiane-HARABATI (Teqe) 1538–1548 e ndërtuar nga ana e Sersem Ali Dedes.

Osmanlinjtë Tetovës i dhuruan shumë objekte publike e fetare të kulturës islame: xhami, teqe, kuzhina publike për të varfër, hamame (banjat publike), shadërvane etj.

Është për t’u përmendur biblioteka e Teqes së Arabatit shek XVIII – XIX sepse në të kultura dhe arsimi u zhvillua krahas fesë islame. Në këtë bibliotekë bëhej edhe kopjimi i veprave të intelektualëve të kohës me kaligrafi të zgjedhur të cilat më vonë zbukuroheshin me prnamente të mbështjellura me lëkurë.

Në Tetovë kemi Kalanë e Tetovës, që ndodhet në maje të Baltepes, menjëherë mbi Tetovë. U ndërtua më 1820 nga ana e Abdurahman Pashës. Ky objekt kulture paraqet një bukuri të rallë të kohës së kaluar.

Tetova ka një traditë të pasur sportive, në sporte të ndryshme. Klubet tetovar gjithmonë kanë arritur suksese atje ku kanë garuar. Sporte më të zhvilluara në Tetovë janë: futbolli, volejbolli, basketbolli, skijimi, karateja, tenisi etj.

Tetova ka dy stadiume futbolli, njëri prej tyre i plotëson standardet e UEFA-së dhe FIFA-s, gjithashtu për zhvillimin e sportit në vazhdë e sipër është ndërtimi i një salle sportive, që gjithsesi do të kontribuojë për zhvillimin dhe ngritjen e cilësisë së sportit në komunën e Tetovës.

Futbolli ka traditë të gjatë në këtë rajon. Në vitin 1919 është formuar ekipi i parë futbollit "Luboten". Skuadra të tjera janë: "Shkëndija 79", "Renova" (garon në ligën e parë kombëtare), "Teteksi" etj.

Një sport tjetër me të cilin njihen tetovarët është volejbolli. Skuadrat Shkëndija dhe Liria në konkurrencën e meshkujve dhe Studenti e Bami Kor-Medika në konkurrencën e femrave, janë ekipe konkurrente në gara.

Në komunën e Tetovës janë sistemuar: 12 shkolla fillore qendrore, 9 shkolla fillore territoriale, një shkollë fillore shtetërore e muzikës, gjashtë shkolla të mesme dhe dy universitete.

Shkollat e mesme janë të profileve të ndryshme, siç janë: gjimnazi, mjekësia, ekonomia, bujqësia, tekstili dhe muzika. Në Tetovë funksionojnë dy universitete: Universiteti Shtetëror i Tetovës dhe Universiteti i Evropës Juglindore.

Universiteti Shtetëror i Tetovës, është institucion i lartë arsimor që ka për qëllim arsimimin dhe emancipimin e studentëve. Kjo qendër e arsimimit të lartë sot ka 10 fakultete, dy qendra të larta profesionale, 3 institucione. Universiteti ka mbi 8 mijë studentë të rregullt, kurse në vitin akademik 2006-2007 janë pranuar edhe 2000 studentë të rinj.

Universiteti i Evropës Juglindore është hapur në nëntor të vitit 2002, ndërsa ka 5 fakultete dhe 2 shkolla të larta.

Ky universitet, ka objekte komode si dy amfiteatro, rreth 50 mësonjëtore, zyra moderne, dy qendra kompjuteristike, një laborator kompjuterik, një bibliotekë dhe ambiente për akomodim të 450 studentëve. Sistemi teknologjik i informimit ka një lidhje satelitore që mundëson videokomunikim dhe shkëmbim të shpejtë të informacioneve.

Rrethina e Tetovës me bukuritë e saja natyrore me monumentet kulturore-historike, gradualisht afirmohet si qendër turistike atraktive në Maqedoni.

Vend kryesor në këtë sferë zë qendra turistike "Kodra e Diellit" me bukuritë e Malit Sharr në kuadër të masivit malor, lartësinë relative, dëborën e zbukurojnë këtë qendër rekreative e sportive tejet të bukur.

Qendra "Kodrës e Diellit" shtrihet në lartësinë mbidetare 1780 m, 18 km nga Tetova, 48 km nga Kodra e Diellit deri në Shkup (70 km nga aeroporti i Shkupit). Deri në qendër arrihet përmes udhës së asfaltuar dhe nëpërmjet teleferikut në gjatësi prej 7 km, me të cilin mjet udhëtimi arrihet për 40 min., me një ndryshim lartësie prej 1400 m.

Kodra e Diellit disponon me 11 ski-ashensorë, me gjatësi prej 7.7. km., që lidhin shtigjet e skijimit në lartësi prej 1070-2510m.
Gjatësia e shtigjeve të skijimit është 20 km nga të cilat 3 janë sipas kritereve të FISit.

Kodra e Diellit disponon me llski-lifte me gjatesi te pergjithshme prej 7.7 km te cilat lidhin stazat per skijim ne lartesite prej 1070 deri 2510 m. Gjatesia e pergjithshme e stazave per skijim eshte 20 km prej te cilave 3 jane sipas FIS kritereve.