На новогодишната ноќ Општина Тетово организира концерт на плоштадот “Илирија“. Во првиот дел од концертот настапија младите пејачи од албанската естрада од Тетово кои пееја различни жанрови. Во вториот дел настапија познатите пејачи од естрадата како Нади, Биг Мама, Маљсори и Бајрамали Идризи и други пејачи.Новогодишната ноќ беше дочекана со многу изненадувања на плоштадот “Илирија“. Пред присатните настапија познати танчерки и за крај имаше спектакал со огномет. Портпаролот на Општина Тетово, Флакран Пустина рече дека 2009 година беше година на успех и напредок на Општина Тетово. Додека им ја честиташе новата година, Пустина се изјасни дека е убеден дека овој напредок ќе продолжи и во иднина.