Општина Тетово се солидаризира со граѓаните на Скадар-Албанија, кои се наоѓаат пред алармантна состојба од поплавите последниве денови.Застанувајќи покрај нив во овие тешки моменти, на иницијатива на градоначалникот на Општина Тетово,проф.д-р.Сади Беџети,општината ќе издвои финансиска помош од сопствениот буџет во висина од 30 илјади евра.


Исто така Општина Тетово ги повикува сите граѓани и претпријатија кои можат да помогнат со финансиски средства, облека, храна и други потребни работи за граѓаните на Скадар, да се упатат кај одговорното лице одредено од страна на Општина Тетово, на телефонскиот број 044-38-081.