Граѓаните, стопанствениците и бизнисмените од Тетово позитивно одговорија на повикот на Општина Тетово за да му се помогне на населението на Скадар кое страдаше од поплавите. Во среда тргна првиот контингент со хуманитарна помош што опфаќа повеќе од 30 врсти на прехрамбени, хигиенски и други продукти. Вкупниот износ на оваа помош изнесува повеќе од 20 илјади евра.

Се очекува собирањето на хуманитарната помош да продолжи, а во текот на идната недела се очекува да тргне и друг контингент со хуманитарна помош за граѓаните кои се оштетени од поплавите во градот Скадар.