Портпаролот на Општина Тетово, Флакран Пустина, објасни дека со овој стандарт се исполнува мисијата за една квалитетна политика во општинското владеење која ја отвара визијата за една мултиетничка општина, отворена, ефикасна, транспарентна и конструктивна.

Исто така со ИСО стандардот 9001:2008 се создаваат предности на општината за повлекување на различни меѓународни фондови , особено за апликација во ИПА фондовите.

Обучувањето и реализирањето за земање на стандардот е финансирано од страна на УНДП во рамките на проектот “Борбата против корупцијата за доброто владеење“.

Со ИСО стандардот 9001:2008 реално се имплементира моделот за стандардизација на праксите и процедурите во општината, кои имаат за цел консолидирање на општинската администрација за давање на ефикасни услуги на граѓаните.



Земањето на сертификатот за успешна реализација на ИСО стандардите е еден доказ за едно перманенто ангажирање и одговорност во работата на општината во ова осумесечно владеење.