“Многу скоро се очекува во склоп на одделението за граѓаните на Општина Тетово да се активира електронскиот начин на плаќање на даноци каде граѓаните ќе имаат директен пристап за да ја следат нивната состојба за тоа колку имаат платено и колку треба да платат данок.Овој систем ќе се спроведе со цел на граѓаните да им се олесни процедурата и на овој начин тие ќе имаат директен пристап да ја следат својата состојба со даноците“ рече Абдула Мусаи, раководител на одделението за локални даноци.

Ова одделение порано функционираше во рамките на Централната власт и сите даноци се уплаќаа на сметката на Централната власт, а сега оваа процедура се промени и овие даноци остануваат на сметката на општината.Во меѓувреме овие средства се употребуваат за инвестициите во сферата на инфраструктурата, во образованието и културата.