Градоначалникот на Општина Тетово, проф.д-р.Сади Беџети, рече дека на оваа средба се даде поглед за развојот на градот, информации за основното и средното образование и развојот на туризмот во градот Тетово.Градоначалникот Беџети им се заблагодари на делегацијата на Комисијата за образование на Романскиот парламент за посетата на Општина Тетово и рече дека вратите на Општина Тетово секогаш ќе бидат отворени за соработка.

Заменик претседателот на Комисијата за образование, наука и спорт на собранието на Романија, Каталин Кроитору, рече дека Македонија е пријателска земја и оваа посета беше добра можност да се види функционирањето на локалната власт и пристапот кон проблемите на ова ниво.

“За нас е важно да видиме како малцинствата ги остваруваат своите права во образованието на мајчин јазик“рече Криотору.Според него за образовниот систем во Романија има пофални зборови од страна на ЕУ , а истакна дека сака да го споделат искуството со другите, во сите нивоа на владеење.

“Ние научивме дека образованието но и традицијата на малцинствата претставува национално богатство“рече Кроитору.