“Со последниот ребаланс на Буџетот наместо да се зголемуваат средствата предвидени за блок дотации за училиштата, тие за жал се намалија. Само за средните училишта имаме минус од 6 милиони денари“, рече Халими.

Според него, посебен проблем останува новото училиште во Дреновец кое што иако е готово од 1 Септември 2009год. сеуште не функционира поради недостаток на дел на инвентарот и 29 вработувања за кои што Владата треба да обезбеди средства.

“За да се реши овој проблем што е можно поскоро, апелирам до Владата ургентно да ги задолжи Министерството за финансии и МОН да обезбедат финасиски средства и согласности за вработување на овој потребен кадар, без кој не може да почне со работа ова училиште на 1 Септември 2010 год“, рече Халими.

Според него, уште еднаш преку оваа прес конференција се реагира што поскоро да се реши овој проблем поради тоа што имаме предупредувања од учениците ( кои досега патувале по 2 километри до матичното училиште) како и од нивните родители дека доколку ова училиште не почне со работа до1 Септември 2010год., ќе ја бојкотираат наставата и ќе организираат протести по улиците и пред МОН.

“За проблемите кои што може да произлезат и по 1 Септември 2010год., поради незаинтересираноста на Владата и МОН за решавање на овој проблем, навреме сме го информирале меѓународниот фактор вклучувајќи го и ОБСЕ“, рече Халими.