Tetovo Visual Arts Gallery

Galeria e Arteve në Tetovë është e formuar nga Ministria e R.së Maqedonisë e cila me Vendim nr.19-5930/1 nga 02.10.2007 për krijim të Institucionit Nacional – Galeri Arti në Tetovë (Gazeta Zyrtare e R.M. nr.84/03) e themeloi dhe vërtetoi si institucion jofitimprurës nga lëmia e kulturës. Në Galerinë e Arteve në Tetovë momentalisht gjithësej ka 15 të punësuar. Në Galeri momentalisht funksionojnë tri sektorë ai administrativ, artistik dhe ai didaktik. Galeria financohet nga buxheti i Ministrisë së Kulturës dhe donacione te ndryshme. Bëhet fjalë kryesisht për dotacione.

Historiat i shkurtër për Hamamin e vjetër turk

Hamami gjendet në anën e majtë të lumit Shkumbin ,në pjesën qendrore të qytetit të Tetovës.Në afërsinë e tij drejtpërdrejtë gjendet Xhamia e larme, me tyrbe dhe çesme, konaku i Beut dhe urra. Të gjitha objektet bashkërisht formojnë një kompleks, karakteristikë e formësimit urbanistik të qyteteve në periudhen osmane.

Hamami i vjeter me shekuj rreziston si dëshmi për menyrën e jetës në një periudhë të caktuar kohore ,sidoemos për shkak të funksionimit, arkitekturës, materialeve burimore dhe teknikës së ndërtimit.I ndërtuar nga fundi i shekullit 15, Hamami në mënyrë aktive merr pjesë në ambientin kulturorë dhe në definimin e pamjes integrale të qytetit të Tetovës .Supozohet se e ka ndërtuar Mehmet Celebiu, i biri i Isak beut. Me karakteristikat e veta arkitektonike, tipologjike dhe stilistike fiton një vlerë të veçantë, që manifestohet me një organizim të pastër dhe të qartë hapsinorë.

Hamami në bazament është objekt kënddrejtë, ndërtuar me mure masive nga gurë të përpunuar vrazhdë dhe tulla. Si konstruksione kulmore janë shfrytëzuar qemerë – kube me dimenzione të ndryshme, me çka është formuar fasada e pestë e larmishme, që i jep një joshje objektit. Kupolat janë ngritur me tambura tetëkëndëshe, të mbuluara me qeramide turke dhe streha të shkurtëra të profilizuara nga guri.

Përkundër intervenimeve të kryera në periudha të ndryshme kohore, objekti e ka ruajtur forëmn e tij autentike ndërtimore .Me konservimin e fundit të realizuar nga Qendra Nacionale për Konzervim, e ndihmuar nga programi i “Fondit ambasadorial“, pranë Ambasadës Amerikane në R.e Maqedonisë në vitin 2005/ 07, hapsira është adaptuar në Galeri artistike, me çka Hamami fitoi një trajtim të ri bashkëkohorë, që mundëson objekti sërish të ngjallet dhe të jetë qendër e ngjarjeve kulturore në qytet.

Adresa:Rr. Ilindenska pn., Tetovë
Email: galeriaearteve@gmail.com
Tel: +389(0) 44 340-811/ 353-650
Faks:+389 (0) 44 353-650
http://www.galeriaearteve.com.mk