SH.F. Skenderbeu

SH.F. Skenderbeu

Zanafilla e procesit edukativ e arsimor në rrethinën e lokaliteteve Poroj, Xhepçisht dhe Gjermë nis në vjeshtën e vitit 1922. Në fillim shkolla mbante emrin „LIRIA“. Si ngjarje e shënuar në historinë e shkollës është ajo e vitit 1968, vit ky kur u festua 500 Vjetori i vdekjes së heroit tonë kombëtar dhe ndërkombëtar Gjergj Kastrioti Skenderbeu, me ç’rast Kuvendi i Komunës së Tetovës vendos që një shkollë tetëvjeçare të mbajë emrin e Skenderbeut, ashtu që Pleqësia e shkollës në mbledhjen e mbajtur me datë 15.05.1968 me kryetar mësuesin e nderuar, Ajet Memeti, me propozimin e mësuesit Servet Rahmani dhe me votim unanim të gjithë të punësuarve të shkollës vendoset që shkolla të quhet “Skenderbeu”..

Këtë propozim të Pleqësisë së shkollës, Kuvendi i Komunës së Tetovës e aprovon dhe prej muajit Shtator 1968 shkolla e merr emrin “Gjergj Kastrioti-Skenderbeu”, emër të cilin e mban edhe sot.

• Sot mësimi zhvillohet në 3 objekte shkollore edhe ate:
• - objekti në f. Poroj
• - objekti në f. Xhepçisht dhe
• - objekti në f. Gjermë

Mësimi zhvillohet në dy ndrime në objektin qendror në F. Poroj dhe atë në shkollën periferike në F. Gjermë, në objektin në Xhepçisht mësimi zhvillohet në 1 ndrim. Dita e shkollës(patronatit) është 15 maji. Në vitin shkollor 2012/2013 numri i të punësuarve është 82 nga të cilët 98 % janë të kualifikuar.

Këtë vit shkollor mësimin e ndjekin 785 nxënës të shpërndarë në 46 paralele nga të cilët 93 nxënës në shkollën periferike në Fshatin Gjermë me 9 paralele. Shkolla numëron gjithsejt 83 punëtorë edhe atë 69 mësimdhënës, 6 administratorë(drejtori, sociolog, psikolog, ekonomist, pedagogu, sekretari) dhe 8 personel tenik.

• Adresa: Fshati Poroj, Tetovë
• Tel: +389(0) 44 488 022
• Email: shkolla291@hotmail.com
• Patronati: 15 Maj