Traditional and cultural events

Festivalet dhe evenimente kulturore

Këtë festë tradicionale me histori gati 3 mijë vjeçare, që daton nga kohërat e lashta ilire dhe e trashëguar deri tek brezat e rinj, banorët e Bozovcës kanë arritur ta ruajnë si traditë.

Të veshur me gëzofë dhe lëkurë prej deleje, ata nga 13 marsi e deri më 21 mars besojnë se do t’i trembin gjërat e këqija dhe shpirtrat e këqij që të qëndrojnë sa më larg fshatit, që të mos dëmtojnë burimet e ekzistencës së banorëve të këtij vendi.

Më parë kjo festë në të njëjtën mënyrë është mbajtur edhe në fshatrat tjerë të malësisë së Tetovës si Liseci,Veshalla dhe Shipkovica, por sot kjo organizohet vetëm në Bozovcë.

Karnevalet përfundojnë me një drekë me ushqime tradicionale të Bozovcës.

Lojrat tradicionale popullore (Sellcë)

Banorët e fshatit Sellcë, kanë rikthyer traditën e vjetër të lojërave tradicionale të cilët kanë qenë pjesë e jetesës së malësorëve në të kaluarën.Ky manifestimi i organizuar nga organizata joqeveritare për sport, art dhe kulturë “Fisi” dhe i përkrahur nga komuna e Tetovës me ndihmë të banorëve të Malësisë së Sharrit tuboi shumë banorë anembanë për të evokuar kujtimet e lojërave dhe garave që ishin pjesë e tyre në të kaluarën.

Lojrat tradicionale popullore në Sellcë janë traditë e vjetër e banorëve të fshatit që kanë për qëllim rruajtjen e dokeve të malësisë së Sharit dhe kultivimin e ndjenjave për traditat e malësisë.

Gjatë këtij manifestimi organizohen lojëra në tërheqjen e litarit, hedhjen e gjyles dhe vrapimin me stafetë. Ky manifestim përcillet me program të pasur kulturor artistik të malësisë së Sharit.